Мэдээ, мэдээлэл
“МӨНГӨН ӨВӨЛ-2024” МӨСНИЙ БАЯР БОЛЛОО
2024.01.23
Цаг үеийн
Монгол Улсын Ерөнхийлөгчийн санаачлан хэрэгжүүлж буй “Эрүүл Монгол Хүн” үндэсний хөдөлгөөн, Засгийн газраас зарласан “Монголд зочлох жил"-ийн хүрээнд өвлийн аялал жуулчлалыг хөгжүүлэх, аялал жуулчлалын улирлын хамаарлыг бууруулах иргэд аж ахуй нэгж байгууллагуудыг цэвэр агаарт зөв боловсон амрах, аялах дадлыг бий болгох зорилтын хүрээнд Аймгийн Засаг даргын Тамгын газар, Биеийн тамир, спортын газар, Соёл, урлагийн газартай хамтран 2024.01.20-ны өдөр “Мөнгөн өвөл” спорт өдөрлөг арга хэмжээг Онгийн гол дээр зохион байгууллаа.
Арга хэмжээнд нийт 14 багийн 200 гаруй тамирчид мөсний сур харваа, мөсний шагай, тэшүүр, олс таталт, үндэсний хувцастай хос гэх мэт 5 төрлөөр өрсөлдсөнөөс багийн нийлбэр дүнгээр 1 дүгээр байранд Хархорин сум, 2 дугаар байранд Зэвсэгт хүчний 256 дугаар анги, 3 дугаар байранд Уянга сумын баг тус тус шалгарлаа.
