Мэдээ, мэдээлэл
“ЭСГИЙНИЙ БАЯР-2024” ЖУУЛЧДАД ЗОРИУЛСАН ЭВЕНТ АРГА ХЭМЖЭЭ БОЛЛОО
2024.07.24
Цаг үеийн
“Эсгийний баяр-2024” аялал жуулчлалын эвент арга хэмжээг Хужирт сумын ЗДТГ, “Степнн Димсе”ХХК-ын “Урса мажур” жуулчны баазтай хамтран 2024.07.22-ны өдөр Хужирт сумын Тээлийн ам гэх газар 13 дахь жилдээ зохион байгууллаа.
Уг арга хэмжээнд гадаадын 400 орчим жуулчин оролцсон бөгөөд Монгол уламжлалт аргаар эсгий хийх, тогоо нэрэх, гүү сааж айраг эсгэх, бөх барилдах, хурдан дааган насны морь уралдуулах, Монгол гэрийг хэрхэн барих гэх мэт нүүдэлчдийн соёл, ахуй амьдрал, хэв маягийг сурталчилж жуулчдад үзэж сонирхууллаа.
Арга хэмжээний үеэр аймаг сумын цолтой үндэсний 32 бөх барилдаж, хурдан дааганы уралдаан, сайхан хос, үндэсний хувцастай хүүхэд шалгаруулах гэх мэт тэмцээнийг тус тус зохион байгууллаа.
Эсгийний баярыг жил бүрийн 7 дугаар сарын 22-ны өдөр зохион байгуулдаг бөгөөд гадны жуулчид үзэх дуртай эвент арга хэмжээнүүдийн нэг болоод байна.
