Мэдээ, мэдээлэл
ХУЖИРТ СУМЫН РАШААН СУВИЛАЛ, ЦЭВЭРЛЭХ БАЙГУУЛАМЖИД УРЬДЧИЛАН СЭРГИЙЛЭХ ХЯНАЛТ ШАЛГАЛТ ХИЙЛЭЭ
2025.06.09
БОУАӨЯ-ны салбарын улсын ерөнхий байцаагчийн баталсан 01/07, 01/08 дугаартай удирдамжуудын дагуу Хужирт сумын рашаан сувиллын үйл ажиллагаа эрхэлж байгаа 6 аж ахуй нэгж байгууллагын ус, рашааны ашиглалт, “Онги ус суваг” ОНӨААТҮГ-ын харьяа Хужирт сумын төв цэвэрлэх байгууламжийн үйл ажиллагаанд 2025.05.15-16-ны өдрүүдэд урьдчилан сэргийлэх хяналт шалгалт хийлээ.
Хяналт шалгалтаар рашаан сувиллын үйл ажиллагаа явуулдаг аж ахуй нэгж байгууллагууд нь Усны тухай, Хог хаягдлын тухай, Байгаль орчинд нөлөөлөл байдлын үнэлгээний тухай хуулиар хүлээсэн үүргээ хэрэгжүүлээгүй зөрчил илэрсэн тул 5 аж ахуй нэгж байгууллагад Зөрчлийн тухай хуулийн хариуцлага оногдуулж, Байгаль орчинд нөлөөлөх байдлын нарийвчилсан үнэлгээгээр тавьсан нөхцөл болзлыг биелүүлээгүй 1 аж ахуй нэгж байгууллагад зөрчлийн хэрэг нээн шалгаж, бүх аж ахуй нэгж байгууллагуудад зөрчлийг арилгуулах хугацаатай албан шаардлага хүргүүлж ажиллалаа.
Хужирт сумын төв цэвэрлэх байгууламж нь 2023 онд ашиглалт орж, хоногт аж ахуйн нэгж, айл өрхүүдийн310 м/куб хаягдал бохир усыг хүлээн авч, механик болон биологи цэвэрлэгээ хийх хүчин чадалтай сараалж, элс баригч, тос баригч, жигдрүүлэх болон агааржуулах сан, тунгаагуур, халдваргүйжүүлэгч, лаг тогтонгижуулагч бүхий технологийн дамжлагтай юм.
Тус байгууламж нь рашаан сувиллуудын рашааны болон ахуйн бохирыг нийтэд нь хүлээн авсанаар цэвэрлэх байгууламжийн хүчин чадлаас давсан ачаалал үүсгэж байгаа тул зөвхөн ахуйн хаягдал бохир усны шугамыг холбуулах арга хэмжээ авч байна.
Иймд рашаан эмчилгээний бохир усыг стандартын шаардлагад нийцүүлэн цэвэрлэх тунгаагуур бүхий байгууламж байгуулах шаардлагатай талаар сумын удирдлагатай санал солилцолцоо.
