Мэдээ, мэдээлэл
БАЙГАЛИЙН ГОЦ ХАЛДВАРТ ТАРВАГАН ТАХАЛ ӨВЧНӨӨС СЭРГИЙЛЭХ ХЯНАЛТ ШАЛГАЛТ ХИЙЖ БАЙНА
2025.09.19
Цаг үеийн
Улсын онцгой комиссын 2025 оны 03 дугаар хурлын тэмдэглэлээр өгсөн үүрэг, БОУАӨЯ-ны Салбарын улсын ерөнхий байцаагчийн баталсан 01/05 удирдамж, аймгийн Засаг даргын 2025 оны “Хүн, мал, амьтны гоц халдварт болон тарваган тахал өвчнөөс урьдчилан сэргийлэх талаар авч хэрэгжүүлэх зарим арга хэмжээний тухай” А/547 дугаар захирамжийн дагуу хууль бус агнуур, мах, арьс, түүхий эдийн худалдаа, тээвэрлэлт, хадгалалт, байгалийн гоц халдварт тарваган тахал өвчнөөс урьдчилан сэргийлэх хяналт шалгалтыг аймгийн БОГ, ЦГ, ОБГ, ЗӨСТ, сумдын байгаль орчны хяналтын улсын байцаагч, байгаль хамгаалагч нар хамтран зохион байгуулж байна.
Хяналт шалгалтын хүрээнд хууль бусаар тарвага агнасан, мах арьс түүхий эдийг худалдсан, худалдан авсан, тээвэрлэсэн, хадгалсан 37 зөрчлийг илрүүлж зөрчил үйлдсэн 29 иргэнд 4.200.000 төгрөгийн торгууль оногдуулж, хууль бусаар агнасан 90 ширхэг тарваганы мах, 10 ширхэг ТОЗ-8 маркын калибр бууг хурааж, байгаль учирсан хохирлын 48.740.000 төгрөгийг нөхөн төлүүлж, 112 ногтруу шувууг байгальд нь буцаан тавьж 8 зөрчлийг харьяаллын дагуу бусад аймагт шилжүүлж шийдвэрлэлээ.
Мөн Нарийнтээл, Онгийн г олын хяналтын пост болон тарваган тахалын голомттой бүс нутгуудад хяналт шалгалт тогтмол хийж байна.
